ಅಸಲಿ ಏರಿಯಾದಲ್ಲೇ ನಕಲಿ ನೋಟ್ ಪ್ರಿಂಟ್ : ಮೂವರ ಬಂಧನ

ಈ ಸುದ್ದಿಯನ್ನು ಶೇರ್ ಮಾಡಿ

Mysuru-02

ಮೈಸೂರು, ನ.19- ಎರಡು ಸಾವಿರ ರೂ. ಮುಖಬೆಲೆಯ ನೋಟುಗಳನ್ನು ನಕಲಿ ಮಾಡಿ ಚಲಾವಣೆ ಮಾಡುತ್ತಿದ್ದ ಮೂವರು ಯುವಕರನ್ನು ಪೊಲೀಸರು ಬಂಧಿಸಿದ್ದು, 44 ನಕಲಿ ನೋಟು, 1 ಅಸಲಿ ನೋಟು, ಸ್ಕ್ಯಾನಿಂಗ್ ಮೆಷಿನ್, ಪ್ರಿಂಟರ್ ಮತ್ತು ಬೈಕನ್ನು ವಶಪಡಿಸಿಕೊಂಡಿರುವ ಘಟನೆ ಸರಸ್ವತಿಪುರಂ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ಅಜಿತ್ (24), ರೋಷನ್ (24) ಮತ್ತು ರೇವಣ್ಣ (27) ಬಂಧಿತ ಆರೋಪಿಗಳು. ಶಾರದಾದೇವಿ ನಗರದಲ್ಲಿ ಪೊಲೀಸರು ವಾಹನಗಳ ತಪಾಸಣೆ ವೇಳೆ ಬೈಕ್ನಲ್ಲಿದ್ದ ಯುವಕರಿಬ್ಬರ ಬಳಿ ಐದು ನಕಲಿ ನೋಟು ಪತ್ತೆಯಾಗಿವೆ. ಇವರನ್ನು ಠಾಣೆಗೆ ಕರೆತಂದು ಹೆಚ್ಚಿನ ವಿಚಾರಣೆ ನಡೆಸಿದಾಗ ನಕಲಿ ನೋಟು ಚಲಾವಣೆ ಮಾಡುತ್ತಿದ್ದುದನ್ನು ಒಪ್ಪಿಕೊಂಡಿದ್ದಾರೆ. ಅಲ್ಲದೆ, ಈ ನೋಟುಗಳನ್ನು ರೋಷನ್ ಕೊಟ್ಟಿರುವುದಾಗಿ ಹೇಳಿದ್ದಾರೆ.

ನಂತರ ಈ ಮಾಹಿತಿ ಆಧರಿಸಿ ಹೆಬ್ಬಾಳದಲ್ಲಿರುವ ರೋಷನ್ ಮನೆ ಮೇಲೆ ದಿಢೀರ್ ದಾಳಿ ಮಾಡಿದ್ದು, ಸ್ಥಳದಲ್ಲಿದ್ದ 44 ನಕಲಿ ನೋಟು, ಸ್ಕ್ಯಾನಿಂಗ್ ಮೆಷಿನ್ ಮತ್ತು ಪ್ರಿಂಟರ್ಅನ್ನು ವಶಪಡಿಸಿಕೊಂಡಿದ್ದಾರೆ. ಸರಸ್ವತಿಪುರಂ ಠಾಣೆಯಲ್ಲಿ ಈ ಸಂಬಂಧ ದೂರು ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

► Follow us on –  Facebook / Twitter  / Google+

Facebook Comments

Sri Raghav

Admin