ದೇಶದ 23 ರೈಲು ನಿಲ್ದಾಣಗಳನ್ನು ಮೇಲ್ದರ್ಜೆಗೆರಿಸಲು ಕೇಂದ್ರದಿಂದ 25,000 ಕೋಟಿ ವೆಚ್ಚ ..!

ಈ ಸುದ್ದಿಯನ್ನು ಶೇರ್ ಮಾಡಿ

Indian-Railway-01

ನವದೆಹಲಿ,ಜ.18- ದೇಶದ ವಿವಿಧ ರೈಲ್ವೆ ನಿಲ್ದಾಣಗಳನ್ನು ಮೇಲ್ದರ್ಜೆಗೇರಿಸಿ ಉತ್ತಮ ಮೂಲಭೂತ ಸೌಕರ್ಯ ಕಲ್ಪಿಸಲು 23 ರೈಲ್ವೆ ನಿಲ್ದಾಣಗಳಿಗೆ ಕೇಂದ್ರ ಸರ್ಕಾರ 25 ಸಾವಿರ ಕೋಟಿ ರೂ. ಬಿಡುಗಡೆ ಮಾಡಲು ಮುಂದಾಗಿದೆ.   ಇದೇ ಮೊದಲ ಬಾರಿಗೆ ಖಾಸಗಿ ಸಹಭಾಗಿತ್ವದಲ್ಲಿ ರೈಲ್ವೆ ನಿಲ್ದಾಣಗಳು ಮೇಲ್ದರ್ಜೆಗೇರಲಿದ್ದು, ಪ್ರಮುಖವಾಗಿ ಹೌರ, ಚೆನ್ನೈ ಕೇಂದ್ರ ನಿಲ್ದಾಣ ಮತ್ತು ಮುಂಬೈನ ಕೇಂದ್ರ ನಿಲ್ದಾಣಗಳು ಸೇರಿವೆ.   ಬ್ರಿಟಿಷರ ಕಾಲದಲ್ಲಿ ನಿರ್ಮಾಣವಾಗಿದ್ದ ರೈಲ್ವೆ ನಿಲ್ದಾಣಕ್ಕೆ ಮೂಲಭೂತ ಸೌಕ ರ್ಯಗಳೇ ಇಲ್ಲದಂತಾಗಿತ್ತು. ಈ ಬಗ್ಗೆ ಪ್ರಯಾಣಿಕರು ಕೇಂದ್ರ ರೈಲ್ವೆ ಸಚಿವ ಸುರೇಶ್ ಪ್ರಭು ಅವರಿಗೆ ಸಾಕಷ್ಟು ದೂರು ನೀಡಿದ್ದರು.

ಕುಡಿಯುವ ನೀರು, ತಂಗುದಾಣ, ಶೌಚಾಲಯ, ಊಟ, ತಿಂಡಿ-ತಿನಿಸು ಸೇರಿದಂತೆ ಇತರೆ ಸೌಲಭ್ಯಗಳು ಇಲ್ಲದಿರು ವುದರ ಬಗ್ಗೆ ಅಸಮಾಧಾನ ಹೊರ ಹಾಕಿ ದ್ದರು. ಇದನ್ನು ಗಂಭೀರವಾಗಿ ಪರಿಗಣಿಸಿ ರುವ ಕೇಂದ್ರ ಸರ್ಕಾರ ರೈಲ್ವೆ ಇಲಾಖೆಯಲ್ಲಿ ಮೂಲಭೂತ ಸೌಕರ್ಯ ಕಲ್ಪಿಸಲು ಖಾಸಗಿ ಕಂಪನಿಗಳಿಗೆ ಆಹ್ವಾನ ನೀಡಿದೆ.  ಸುಮಾರು 25 ಸಾವಿರ ಕೋಟಿಯಲ್ಲಿ ಪಶ್ಚಿಮ ಬಂಗಾಳದ ಹಬೀಬ್ ಗಾಂಜ್ ರೈಲ್ವೆ ನಿಲ್ದಾಣಕ್ಕೆ 400 ಕೋಟಿ, ದೆಹಲಿಯ ಆನಂದ್ ವಿಹಾರ್, ಫರೀದಾಬಾದ್, ಚೆನ್ನೈ, ಮುಂಬೈ, ಗಾಂಧಿನಗರ, ಭೂಪಾಲ್
ಸೇರಿದಂತೆ ಮತ್ತಿತರ ರೈಲ್ವೆ ನಿಲ್ದಾಣಗಳಿಗೆ ಹೆಚ್ಚಿನ ಮೂಲಭೂತ ಸೌಕರ್ಯ ಸಿಗಲಿದೆ.   ಇದರ ಜೊತೆಗೆ ಫೆ.1ರಂದು ಮಂಡನೆಯಾಗಲಿರುವ ಬಜೆಟ್‍ನಲ್ಲಿ ರೈಲ್ವೆ ನಿಲ್ದಾಣಗಳ ಆಧುನೀಕರಣಕ್ಕೆ ಸಿಂಹಪಾಲು ಸಿಗಲಿದೆ ಎಂದು ತಿಳಿದುಬಂದಿದೆ.

< Eesanje News 24/7 ನ್ಯೂಸ್ ಆ್ಯಪ್  >

 Click Here to Download  :  Android / iOS  

ಜಲ್ಲಿಕಟ್ಟು ಮೆಲೆ ನಿಷೇಧ ಹೇರಿರುವುದು ಸರಿಯೇ..?

View Results

Loading ... Loading ...

Facebook Comments

Sri Raghav

Admin