ಅತ್ತಿಗೆಯೊಂದಿಗೆ ಅಕ್ರಮ ಸಂಬಂಧ, ತಮ್ಮನನ್ನೇ ಕೊಂದ ಅಣ್ಣ..!

ಬೆಂಗಳೂರು, ಜ.21-ತನ್ನ ಪತ್ನಿಯೊಂದಿಗೆ ಅಕ್ರಮ ಸಂಬಂಧ ಹೊಂದಿರುವ ಶಂಕೆಯಿಂದ ತಮ್ಮನನ್ನು ಅಣ್ಣನೇ ಕೊಲೆ ಮಾಡಿರುವ ಘಟನೆ ಮಹದೇವಪುರ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ಮೂಲತಃ ನೇಪಾಳದ ರಾಜೇಶ್ ಬಹದ್ದೂರ್ (26) ಕೊಲೆಯಾಗಿರುವ ತಮ್ಮ. ಈತನ ಅಣ್ಣ ವೀರ ಬಹದ್ದೂರ್ ಕೊಲೆ ಆರೋಪಿಯಾಗಿದ್ದಾನೆ. ಸೋದರರಿಬ್ಬರು ಸೆಕ್ಯೂರಿಟಿ ಗಾರ್ಡ್‍ಗಳಾಗಿದ್ದು, ಅಕ್ಕಪಕ್ಕದ ವಾಸಿಗಳಾಗಿದ್ದಾರೆ. ತನ್ನ ಪತ್ನಿ ಜತೆ ಸೋದರ ರಾಜೇಶ್ ಅಕ್ರಮ ಸಂಬಂಧ ಹೊಂದಿದ್ದಾನೆಂಬ ಶಂಕೆ ವೀರ ಬಹದ್ದೂರ್‍ಗೆ ಇತ್ತು ಎನ್ನಲಾಗಿದೆ.  ಇದೇ ವಿಚಾರವಾಗಿ ನಿನ್ನೆ ರಾತ್ರಿ 11 ಗಂಟೆ ಸುಮಾರಿನಲ್ಲಿ ಸೋದರರ ನಡುವೆ ಜಗಳ ಆರಂಭವಾಗಿದೆ.

ಒಂದು ಹಂತದಲ್ಲಿ ವೀರಬಹದ್ದೂರ್ ಸಣಿಕೆಯಿಂದ ತಮ್ಮ ರಾಜೇಶ್ ತಲೆಗೆ ಹೊಡೆದು ಕೊಲೆ ಮಾಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಮಹದೇವಪುರ ಠಾಣೆ ಪೊಲೀಸರು ಆರೋಪಿಯನ್ನು ವಶಕ್ಕೆ ಪಡೆದುಕೊಂಡು ತನಿಖೆಕೈಗೊಂಡಿದ್ದಾರೆ.

< Eesanje News 24/7 ನ್ಯೂಸ್ ಆ್ಯಪ್  >

 Click Here to Download  :  Android / iOS