ಕಾಶ್ಮೀರದ ಗಂದೇರ್‍ಬಲ್ ಜಿಲ್ಲೆಯ ಗಡಿಯಲ್ಲಿ ಹಿಮಪಾತಕ್ಕೆ ಇಂದು ಮತ್ತೆ 6 ಯೋಧರು ಬಲಿ

ಈ ಸುದ್ದಿಯನ್ನು ಶೇರ್ ಮಾಡಿ

Soldiresಶ್ರೀನಗರ, ಜ.26-ಕಣಿವೆ ರಾಜ್ಯ ಜಮ್ಮು-ಕಾಶ್ಮೀರದ ಗುರೆಜ್ ಸೆಕ್ಟರ್‍ನ ಗಂದೇರ್‍ಬಲ್ ಜಿಲ್ಲೆಯ ಗಡಿ ಭದ್ರತಾ ಚೌಕಿ ಮೇಲೆ ಉಂಟಾದ ಭಾರೀ ಹಿಮಪಾತದಲ್ಲಿ ಆರು ಯೋಧರು ದುರಂತ ಸಾವಿಗೀಡಾಗಿದ್ದು, ಇತರ ನಾಲ್ವರನ್ನು ರಕ್ಷಿಸಲಾಗಿದೆ.  ಹಿಮಪಾತದಡಿ ಸಿಲುಕಿದ್ದ ಇನ್ನೂ ಕೆಲವರು ನಾಪತ್ತೆಯಾಗಿದ್ದು ಸಾವಿನ ಸಂಖ್ಯೆ ಹೆಚ್ಚಾಗುವ ಸಂಭವವಿದೆ ಎಂದು ಸೇನಾಧಿಕಾರಿಗಳು ಆತಂಕ ವ್ಯಕ್ತಪಡಿಸಿದ್ದಾರೆ. ನಿನ್ನೆ ಇದೇ ಜಿಲ್ಲೆಯ ಸೋನುಮಾರ್ಗ್‍ನಲ್ಲಿ ಸಂಭವಿಸಿದ ಹಿಮಪಾತದಿಂದ ಓರ್ವ ಕಮಾಂಡರ್ ಸೇರಿದಂತೆ ಐವರು ಯೋಧರು ಮೃತಪಟ್ಟಿದ್ದರು.

ಇದೇ ವೇಳೆ ಇನ್ನೊಂದು ಹಿಮಪಾತ ಪ್ರಕರಣದಲ್ಲಿ ಗುರೆಜ್‍ನ ಬುದ್ಗಾಮ್ ಗ್ರಾಮದಲ್ಲಿ ಮನೆಯೊಂದರ ಮೇಲೆ ಹಿಮಬಂಡೆ ಕುಸಿದು ಮೆಹಾಜ್ ಉದ್ದೀನ್‍ಲೋನ್, ಆತನ ಪತ್ನಿ ಮಗ ಮತ್ತು ಮಗಳು ಮೃತಪಟ್ಟರು. ಮತ್ತೊಬ್ಬ ಪುತ್ರನನ್ನು ಸ್ಥಳೀಯರು ರಕ್ಷಿಸಿದ್ದಾರೆ. ಇದರಿಂದಾಗಿ ಹಿಮಪಾತದಲ್ಲಿ ಒಟ್ಟು ಇಂದು ಬೆಳಗ್ಗೆ ಮೃತಪಟ್ಟವರ ಸಂಖ್ಯೆ ಒಂಭತ್ತಕ್ಕೇರಿದೆ.
ಇನ್ನೂ ಒಂದು ವಾರ ಕಾಲ ಕಾಶ್ಮೀರ ಕಣಿವೆಯ ವಿವಿಧೆಡೆ ಹಿಮಪಾತವಾಗಲಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. ಭಾರೀ ಹಿಮಪಾತದಿಂದ ಶ್ರೀನಗರ-ಜಮ್ಮು ರಾಷ್ಟ್ರೀಯ ಹೆದ್ದಾರಿ ಬಂದ್ ಆಗಿದ್ದು, ಕಾಶ್ಮೀರದ ಬಹುತೇಕ ಸ್ಥಳಗಳು ಸಂಪರ್ಕ ಕಡಿದುಕೊಂಡಿವೆ.

< Eesanje News 24/7 ನ್ಯೂಸ್ ಆ್ಯಪ್  >

 Click Here to Download  :  Android / iOS  

Facebook Comments

Sri Raghav

Admin