ಡಿ.6ಕ್ಕೆ ಅಯೋಧ್ಯೆ ಇತ್ಯರ್ಥ ಕರಡು ಪ್ರಸ್ತಾವನೆ : ಶಿಯಾ ವಕ್ಫ್ ಮಂಡಳಿ

Ayodhya--02

ಲಕ್ನೋ, ನ.7- ಅಯೋಧ್ಯೆ ವಿವಾದಕ್ಕೆ ಶಾಂತಿಯುತ ಪರಿಹಾರ ಕಂಡುಕೊಳ್ಳಲು ತಾನು ಡಿ.6ರ ವೇಳೇಗೆ ಕರಡು ಪ್ರಸ್ತಾವನೆಯೊಂದನ್ನು ಸಿದ್ಧಗೊಳಿಸುವುದಾಗಿ ಉತ್ತರ ಪ್ರದೇಶ ಶಿಯಾ ಸೆಂಟ್ರಲ್ ವಕ್ಫ್ ಮಂಡಳಿ ಇಂದು ತಿಳಿಸಿದೆ. 1992ರಲ್ಲಿ ಬಾಬರಿ ಮಸೀದಿ ಧ್ವಂಸಗೊಂಡ ಡಿ.6ರಂದೇ ಈ ಪ್ರಸ್ತಾವನೆ ಹೊರಬೀಳಲಿದೆ. ಸುದ್ದಿಗಾರರಿಗೆ ಈ ವಿಷಯ ತಿಳಿಸಿದ ಮಂಡಳಿ ಅಧ್ಯಕ್ಷ ವಾಸಿಂ ರಿಜ್ವಿ, ಮಠಾಧೀಶರು, ಸಾಧು-ಸಂತರು ಮತ್ತು ಮಹಂತರನ್ನ8ಉ ಭೇಟಿ ಮಾಡಲು ತಾವು ಈ ತಿಂಗಳು ಅಯೋಧ್ಯೆಗೆ ಭೇಟಿ ನೀಡುವುದಾಗಿ ತಿಳಿಸಿದರು.

ಈ ಸಂಬಂಧ ನಿಬಂಧನೆಗಳು ಮತ್ತು ಷರತ್ತುಗಳ ಬಗ್ಗೆ ಮಠ-ಮಾನ್ಯಗಳ ಮುಖ್ಯಸ್ಥರು ಮತ್ತು ಅರ್ಜಿದಾರರೊಂದಿಗೆ ನಾನು ಈಗಾಗಲೇ ಚರ್ಚಿಸಿದ್ದೇನೆ. ಪರಸ್ಪರ ಸೌಹಾರ್ದಯುತವಾಗಿ ವಿವಾದ ಬಗೆಹರಿಸಿಕೊಳ್ಳಲು ಕರಡು ಪ್ರಸ್ತಾವನೆ ಡಿ.6ರ ಹೊತ್ತಿಗೆ ಸಿದ್ಧವಾಗಲಿದೆ ಎಂದು ಅವರು ತಿಳಿಸಿದರು. ರಿಜ್ವಿ ಅವರು ಕಳೆದ ತಿಂಗಳು ಬೆಂಗಳೂರಿನಲ್ಲಿ ಆರ್ಟ್ ಆಫ್ ಲೀವಿಂಗ್ ಸಂಸ್ಥಾಪಕರೂ ಆದ ಆಧ್ಯಾತ್ಮಿಕ ಧುರೀಣ ರವಿಶಂಕರ್ ಅವರನ್ನು ಬೆಂಗಳೂರಿನಲ್ಲಿ ಭೇಟಿ ಮಾಡಿ ರಾಮಮಂದಿರ ನಿರ್ಮಾಣದ ಬಗ್ಗೆ ಮಂಡಲಿ ನಿಲುವನ್ನು ತಿಳಿಸಿದ್ದರು.

Facebook Comments

Sri Raghav

Admin