ಸಿಹಿ ಸುದ್ದಿ : ಮತ್ತಷ್ಟು ಇಳಿಕೆಯಾಗಲಿದೆ ಜಿಎಸ್‍ಟಿ ದರ..!

GST--0124
ನವದೆಹಲಿ, ನ.14-ಗ್ರಾಹಕರು ಮತ್ತು ವಿರೋಧ ಪಕ್ಷಗಳ ತೀವ್ರ ಒತ್ತಡಕ್ಕೆ ಮಣಿದು ಸರಕುಗಳು ಮತ್ತು ಸೇವೆಗಳು ತೆರಿಗೆ (ಜಿಎಸ್‍ಟಿ) ವ್ಯಾಪ್ತಿಯಲ್ಲಿದ್ದ 175ಕ್ಕೂ ಹೆಚ್ಚು ದಿನಬಳಕೆಯ ವಸ್ತುಗಳ ಮೇಲಿನ ತೆರಿಗೆಯನ್ನು ಶೇ.10ರಷ್ಟು ಕಡಿಮೆ ಮಾಡಿದ್ದ ಕೇಂದ್ರ ಸರ್ಕಾರ, ಈಗ ಮತ್ತಷ್ಟು ದರ ಇಳಿಸುವ ಸುಳಿವು ನೀಡಿದೆ. ಜಿಎಸ್‍ಟಿ ದರವನ್ನು ಮತ್ತಷ್ಟು ತಾರ್ಕಿಕಗೊಳಿಸಲು ಸರ್ಕಾರ ಯೋಚಿಸುತ್ತಿದೆ ಎಂದು ಹೇಳಿರುವ ಹಣಕಾಸು ಸಚಿವ ಅರುಣ್ ಜೇಟ್ಲಿ, ಇನ್ನಷ್ಟು ಸರಕುಗಳ ಮೇಲಿನ ತೆರಿಗೆಯನ್ನು ಇಳಿಸುವ ಬಗ್ಗೆ ಮುನ್ಸೂಚನೆ ನೀಡಿದ್ದಾರೆ. ಜಿಎಸ್‍ಟಿ ದರವನ್ನು ತಾರ್ಕಿಕಗೊಳಿಸುವ ಹಂತ ಮುಂದುವರಿಯಲಿದೆ. ಇಂಥ ಕ್ರಮವು ಆಧಾಯವನ್ನು ಅವಲಂಬಿಸಿರುತ್ತದೆ ಎಂದು ಸುದ್ದಿಗಾರರಿಗೆ ತಿಳಿಸಿದರು.

ಎಲ್ಲ ಸರಕುಗಳಿಗೆ ಏಕರೂಪದ ತೆರಿಗೆ ವಿಧಿಸಬೇಕೆಂಬ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್‍ಗಾಂಧಿ ಅವರ ಆಗ್ರಹಕ್ಕೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ ಅವರು, ಈ ಬಗ್ಗೆ ಒತ್ತಾಯಿಸುತ್ತಿರುವವರು ಜಿಎಸ್‍ಟಿಯನ್ನು ಸರಿಯಾಗಿ ಅರ್ಥ ಮಾಡಿಕೊಂಡಿಲ್ಲ. ಅವರಿಗೆ ಈ ತೆರಿಗೆ ಪದ್ಧತಿ ಬಗ್ಗೆ ಪ್ರಾಥಮಿಕ ಜ್ಞಾನವೂ ಇಲ್ಲ ಎಂದು ಟೀಕಿಸಿದರು.

Facebook Comments