ಶಿವಗಂಗಾ ಹೊನ್ನಾದೇವಿ ಹುಂಡಿಯಲ್ಲಿ 8.84ಲಕ್ಷ ಹಣ ಸಂಗ್ರಹ

ಈ ಸುದ್ದಿಯನ್ನು ಶೇರ್ ಮಾಡಿ

daba-1

ದಾಬಸ್‍ಪೇಟೆ, ಡಿ.5- ದಕ್ಷಿಣ ಕಾಶಿ ಶಿವಗಂಗಾ ಕ್ಷೇತ್ರದ ಶ್ರೀ ಹೊನ್ನಾದೇವಿ ಗಂಗಾಧರೇಶ್ವರ ದೇವಾಲಯದ ಕಾಣಿಕೆ ಹುಂಡಿಯಲ್ಲಿ ಈ ಬಾರಿ 8.84ಲಕ್ಷ ರೂ. ಹಣ ಸಂಗ್ರಹವಾಗಿದೆ. ಮುಜರಾಯಿ ಇಲಾಖೆಯ ಸಹಾಯಕ ಆಯುಕ್ತರಾದ ಪದ್ಮಾ, ಕಾರ್ಯನಿರ್ವಹಣಾಧಿಕಾರಿ ನಾರಾಯಣಸ್ವಾಮಿ, ಕಂದಾಯ ಇಲಾಖೆಯ ರಾಜಸ್ವ ನಿರೀಕ್ಷಕ ಕುಮಾರಸ್ವಾಮಿ ಸಮ್ಮುಖದಲ್ಲಿ ಹುಂಡಿಯಲ್ಲಿದ್ದ ಹಣ ಎಣಿಕೆ ಕಾರ್ಯ ನಡೆಯಿತು.

ಈ ಬಾರಿ ಹುಂಡಿ ಎಣಿಕೆಯಲ್ಲಿ 8,84,707 ರೂ.ಗಳು ಸಂಗ್ರಹವಾಗಿದ್ದು, ಅಮಾನೀಕರಣದ ಹಳೆ ನೋಟುಗಳಾದ ಒಂದು ಸಾವಿರದ 1 ನೋಟು ಮತ್ತು ಐದುನೂರು ರೂ.ಗಳ 4 ನೋಟುಗಳು ಸಂಗ್ರಹವಾಗಿದೆ ಎಂದು ತಿಳಿದು ಬಂದಿದೆ. ಈ ಸಂದರ್ಭದಲ್ಲಿ ದೇವಾಲಯ ವ್ಯವಸ್ಥಾಪಕ ಅಧ್ಯಕ್ಷರಾದ ಮಂಗಳಾ ಸುರೇಶ್, ಸದಸ್ಯರಾದ ಎಸ್.ಟಿ.ಸಿದ್ದರಾಜು, ಸಿದ್ದಗಂಗಮ್ಮತಮ್ಮಯ್ಯ, ರಾಜಣ್ಣ, ರೇಣುಕೇಶ, ಹನುಮಂತರಾಜು, ಗ್ರಾಮಲೆಕ್ಕಿಗ ಬಾಲಚಂದ್ರ, ಪಾರುಪತ್ತೇದಾರ್ ಶ್ರೀನಿವಾಸ್, ಸಿಬ್ಬಂದಿಗಳಾದ ಸಿದ್ದಪ್ಪ, ರಮೇಶ್ ಹಾಗೂ ಐವತ್ತಕ್ಕೂ ಹೆಚ್ಚು ಮಂದಿ ಎಣಿಕೆ ಕಾರ್ಯದಲ್ಲಿ ಪಾಲ್ಗೊಂಡಿದ್ದರು.

Facebook Comments

Sri Raghav

Admin