ಬೆಂಗಳೂರಲ್ಲಿ ಬೌ ಬೌ ಹಾವಳಿ, ಬಾಲಕಿ ಮೇಲೆ ದಾಳಿ ಮಾಡಿದ ನಾಯಿ

ಈ ಸುದ್ದಿಯನ್ನು ಶೇರ್ ಮಾಡಿ

Dog-Attack

ಬೆಂಗಳೂರು, ಜೂ.8- ನಗರದಲ್ಲಿ ಮತ್ತೆ ಬೌ ಬೌ ದಾಳಿ ಆರಂಭವಾಗಿದೆ. ತಿಂಡಿ ತರಲು ಅಂಗಡಿಗೆ ತೆರಳಿದ್ದ ಬಾಲಕಿ ಮೇಲೆ ನಾಯಿಯೊಂದು ದಾಳಿ ಮಾಡಿ ಗಾಯಗೊಳಿಸಿರುವ  ಘಟನೆ ಚಾಮರಾಜಪೇಟೆಯ ಆಜಾದ್‍ನಗರದಲ್ಲಿ ನಡೆದಿದೆ. ನಾಯಿ ಹಿಂಡಿನ ದಾಳಿಯಿಂದ ಗಾಯಗೊಂಡಿರುವ ಬಾಲಕಿಯನ್ನು ಚೇತನ್ಯಶೆಟ್ಟಿ (10) ಎಂದು ಗುರುತಿಸಲಾಗಿದೆ.  ಚೇತನ್ಯಶೆಟ್ಟಿ ನಿನ್ನೆ ರಾತ್ರಿ ಅಂಗಡಿಗೆ ತೆರಳಿ ವಾಪಸಾಗುತ್ತಿದ್ದಾಗ ಏಕಾಏಕಿ ದಾಳಿ ನಡೆಸಿದ ನಾಯಿ ಬಾಲಕಿಯ ಕಾಲು, ಹೊಟ್ಟೆ, ಕೈ ಮತ್ತಿತರ ಭಾಗಗಳಿಗೆ ಕಚ್ಚಿ ಪರಾರಿಯಾಗಿದೆ. ನಾಯಿ ದಾಳಿಯಿಂದ ತೀವ್ರವಾಗಿ ಗಾಯಗೊಂಡಿರುವ ಚೇತನ್ಯಶೆಟ್ಟಿಗೆ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ.  ದಾಳಿ ನಂತರ ಎಚ್ಚೆತ್ತುಕೊಂಡ ಬಿಬಿಎಂಪಿ ಸಿಬ್ಬಂದಿ ಇಂದು ಬೆಳಗ್ಗೆ ನಾಯಿಯನ್ನು ಸೆರೆಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.

Facebook Comments

Sri Raghav

Admin