ಜಪಾನ್‍ನಲ್ಲಿ ಭಾರೀ ಮಳೆ, ಪ್ರವಾಹಕ್ಕೆ 17 ಸಾವು, 53 ಮಂದಿ ಕಣ್ಮರೆ

ಈ ಸುದ್ದಿಯನ್ನು ಶೇರ್ ಮಾಡಿ

Japan--01
ಟೋಕಿಯೊ, ಜು.7- ಉದಯರವಿ ನಾಡು ಜಪಾನ್‍ನ ವಾಯುವ್ಯ ಭಾಗದಲ್ಲಿ ಭಾರೀ ಮಳೆಯಿಂದಾಗಿ ಭೂಕುಸಿತ ಮತ್ತು ಪ್ರವಾಹ ಪರಿಸ್ಥಿತಿ ತಲೆದೂರಿದ್ದು, ಕನಿಷ್ಠ 17 ಮಂದಿ ಮೃತಪಟ್ಟು, 53 ಜನರು ಕಣ್ಮರೆಯಾಗಿದ್ದಾರೆ. ಈ ವಾರದಿಂದ ಹಿರೋಶಿಮಾ, ಎಹಿಮೆ, ಓಕಯಾಮಾ, ಯಮಗುಚಿ ಮತ್ತು ಕ್ಯಾಟೋ ಮುಖಜ ಭೂಮಿಗಳಲ್ಲಿ ಪ್ರಕೃತಿ ವಿಕೋಪದಿಂದ ಸಾವು-ನೋವು ಸಂಭವಿಸಿದ್ದು, ಕೆಲವರು ಕಣ್ಮರೆಯಾಗಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಪ್ರವಾಹದ ಭೋರ್ಗರೆತದಿಂದ ಅನೇಕ ಅಣೆಕಟ್ಟುಗಳು ಅಪಾಯಮಟ್ಟ ತಲುಪಿವೆ. ನೂರಾರು ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಲಾಗಿದೆ. ಭೂಕುಸಿತದಿಂದ ರಸ್ತೆಗಳಿಗೆ ಹಾನಿಯಾಗಿದ್ದು, ಸಂಚಾರ ವ್ಯವಸ್ಥೆ ಏರುಪೇರಾಗಿದೆ. ಯುದ್ಧೋಪಾದಿಯಲ್ಲಿ ರಕ್ಷಣಾ ಮತ್ತು ಪರಿಹಾರ ಕಾರ್ಯಗಳು ಮುಂದುವರಿದಿವೆ.

Facebook Comments

Sri Raghav

Admin