ಅಯ್ಯಪ್ಪಸ್ವಾಮಿಗೆ ಇರುಮುಡಿ ಕಾಯಿ ಸಮರ್ಪಿಸಿ ಹರಕೆ ತೀರಿಸಿದ ಡಿಸಿಎಂ ಪರಮೇಶ್ವರ್

ಈ ಸುದ್ದಿಯನ್ನು ಶೇರ್ ಮಾಡಿ

Parameshwar-v01
ತುಮಕೂರು, ಜು.15- ಜಿಲ್ಲೆಯ ಭಕ್ತರೊಬ್ಬರು ತಮ್ಮನ್ನು ಮುಖ್ಯಮಂತ್ರಿಯಾಗಬೇಕು ಎಂದು ಅಯ್ಯಪ್ಪ ಸ್ವಾಮಿಗೆ ಹರಕೆ ಹೊತ್ತಿದ್ದು , ದೇವರ ಆಶೀರ್ವಾದದಿಂದ ಉಪ ಮುಖ್ಯಮಂತ್ರಿಯಾಗಿ ನೇಮಕಗೊಂಡಿರುವ ಡಾ.ಜಿ.ಪರಮೇಶ್ವರ್ ಅವರು ಅಯ್ಯಪ್ಪ ಸ್ವಾಮಿಗೆ ತುಪ್ಪ ತುಂಬಿದ ಇರುಮುಡಿ ಕಾಯಿ ಸಮರ್ಪಿಸುವ ಮೂಲಕ ಹರಕೆ ತೀರಿಸಿದರು.  ನಗರದ ಬಡ್ಡಿಹಳ್ಳಿಯ ಶ್ರೀ ಅಯ್ಯಪ್ಪಸ್ವಾಮಿ ಭಕ್ತ ಬಳಗ ಪ್ರತಾಪ ಸ್ವಾಮೀಜಿ ಅವರ ನೇತೃತ್ವದಲ್ಲಿ ಆಯೋಜಿಸಿದ್ದ ಶಬರಿಮಲೆ ಯಾತ್ರಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ, ತಮ್ಮ ಪರವಾಗಿ ಯಾತ್ರೆ ಹೊರಟ ಭಕ್ತರ ಹುಡಿಗೆ ತುಪ್ಪ ತುಂಬಿದ ಕಾಯಿ ಅರ್ಪಿಸಿ, ಈ ಹಿಂದಿನ ವರ್ಷ ಇದೇ ರೀತಿ ಆಚರಣೆಯ ಮೂಲಕ ಭಕ್ತರೊಬ್ಬರು ಕಟ್ಟಿ ಕೊಂಡಿದ್ದ ಹರಕೆಯನ್ನು ತೀರಿಸಿದರು.

ಡಾ.ಜಿ.ಪರಮೇಶ್ವರ್ ಚುನಾವಣೆಯಲ್ಲಿ ಗೆಲುವು ಸಾಧಿಸಿ,ಉಪ ಮುಖ್ಯಮಂತ್ರಿಯಾಗಿರುವ ಹಿನ್ನೆಲೆಯಲ್ಲಿ ಹರಕೆ ತೀರಿಸುವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. ಕಳೆದ ವರ್ಷ ಇದೇ ಜಾಗದಲ್ಲಿ ಪ್ರತಾಪ ಸ್ವಾಮೀಜಿ ತಮ್ಮ ಮೂಲಕ ತುಪ್ಪದ ಕಾಯಿ ಕೊಡಿಸುವ ಮೂಲಕ ಹರಕೆ ಹೊತ್ತಿದ್ದರು. ಇಂದು ಅದನ್ನು ತೀರಿಸುವ ಕೆಲಸವನ್ನು ಮಾಡುತ್ತಿದ್ದಾರೆ. ಇದಕ್ಕಾಗಿ ಅವರಿಗೆ ನಾನು ಎಷ್ಟು ಕೃತಜ್ಞತೆ ಅರ್ಪಿಸಿದರು ಸಾಲದು ಎಂದು ಡಾ.ಜಿ.ಪರಮೇಶ್ವರ್ ಹೇಳಿದರು.  ವೇದಿಕೆಯಲ್ಲಿ ರಾಜನಹಳ್ಳಿಯ ಶ್ರೀ ವಾಲ್ಮೀಕಿ ಮಹಾ ಸಂಸ್ಥಾನ ಪೀಠದ ಶ್ರೀ ಪ್ರಸನ್ನಾನಂದ ಸ್ವಾಮೀಜಿ, ಸಂಸದರಾದ ಎಸ್.ಪಿ.ಮುದ್ದಹನುಮೇಗೌಡ, ಚಂದ್ರಪ್ಪ, ಸಚಿವರಾದ ವೆಂಕಟರವಣಪ್ಪ, ಶಾಸಕ ಜೋತಿಗಣೇಶ್, ಪ್ರತಾಪ್ ಸ್ವಾಮೀಜಿ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.

Facebook Comments

Sri Raghav

Admin