ಶಿರೂರು ಶ್ರೀಗಳದ್ದು ಸಹಜ ಸಾವು, ಎಲ್ಲ ಅನುಮಾನಗಳಿಗೆ ತೆರೆ

ಈ ಸುದ್ದಿಯನ್ನು ಶೇರ್ ಮಾಡಿ

Shirooru-swamiji

ಉಡುಪಿ. ಸೆ.09 : ಭಾರಿ ಅನುಮಾನಗಳಿಗೀಡಾಗಿದ್ದ ಶೀರೂರು ಶ್ರೀಲಕ್ಷ್ಮೇವರ ತೀರ್ಥ ಶ್ರೀಪಾದರ ಸಂಶಯಾಸ್ಪದ ಸಾವಿನ ಗೊಂದಲಗಳಿಗೆ ಕೊನೆಗೂ ತೆರೆಬಿದ್ದಿದೆ . ಶೀರೂರು ಶ್ರೀಗಳದ್ದು ಸಹಜ ಸಾವು ಎನ್ನುವುದನ್ನು ಮಣಿಪಾಲ ಕಸ್ತೂರ್ಬಾ ಆಸ್ಪತ್ರೆಯ ವಿಧಿ ವಿಜ್ಞಾನ ಪ್ರಯೋಗಾಲಯದ ತಜ್ಞ ವೈದ್ಯರ ಅಂತಿಮ ವರದಿ ಸ್ಪಷ್ಟಪಡಿಸಿದೆ. ಜು.19ರಂದು ಶ್ರೀಗಳು ಸಂಶಯಾಸ್ಪದ ಸಾವನ್ನಪ್ಪಿದ್ದು ಜು.30ರಂದು ನೀಡಿದ ಮರಣೋತ್ತರ ವರದಿ ಹಾಗೂ ಆ.18ರಂದು ದೊರೆತ ಎಫ್‌ಎಸ್‌ಎಲ್‌ ವರದಿಯನ್ನು ತಾಳೆ ಹಾಕಿದ ಮಣಿಪಾಲ ಕೆಎಂಸಿ ವೈದ್ಯರು ಶೀರೂರು ಶ್ರೀಗಳು ಅನ್ನನಾಳದ ರಕ್ತಸ್ರಾವ ಹಾಗೂ ಕೋನ್ನಿಕ್‌ ಲಿವರ್‌ ಸಿರಾಸಿಸ್‌ನಿಂದ ಮೃತರಾಗಿದ್ದಾರೆ. ದೇಹದಲ್ಲಿ ಯಾವುದೇ ವಿಷ ಅಂಶ ಪತ್ತೆಯಾಗಿಲ್ಲ ಎಂದು ಷರಾ ಬರೆದಿದ್ದಾರೆ.

ಅಂತಿಮ ವರದಿ ಜಿಲ್ಲಾ ಪೊಲೀಸರ ಕೈಗೆ ಬಂದಿದ್ದು, ಶುಕ್ರವಾರ ಪ್ರಕರಣದ ತನಿಖಾಧಿಕಾರಿ ಕಾರ್ಕಳ ಡಿವೈಎಸ್ಪಿ ಬೆಳ್ಳಿಯಪ್ಪ ತನಿಖೆ ಪೂರ್ಣಗೊಳಿಸಿ ಕುಂದಾಪುರ ಉಪ ವಿಭಾಗದ ಸಹಾಯಕ ಆಯುಕ್ತ ಭೂ ಬಾಲನ್‌ ಅವರಿಗೆ ಹಸ್ತಾಂತರಿಸಿದ್ದಾರೆ. ವರದಿಯಲ್ಲಿ ಎಲ್ಲಿಯೂ ಶ್ರೀಗಳ ದೇಹದಲ್ಲಿ ವಿಷದ ಅಂಶ ಪತ್ತೆ ಆಗಿರುವ ಬಗ್ಗೆ ಯಾವುದೇ ಉಲ್ಲೇಖ, ಮಾಹಿತಿ ಇಲ್ಲ ಎಂದು ಉನ್ನತ ಪೊಲೀಸ್‌ ಮೂಲಗಳು ತಿಳಿಸಿವೆ. ಜು.19ರಂದು ನಿಧನರಾದ ಶೀರೂರು ಶ್ರೀಗಳ ಸಾವಿಗೆ ಸಂಬಂಧಿಸಿ ಸಾಕಷ್ಟು ಊಹಾಪೋಹಗಳು ಹುಟ್ಟಿಕೊಂಡಿದ್ದು, ಮಣಿಪಾಲ ಕೆಎಂಸಿ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಬಳಿಕ ಶ್ರೀಗಳ ದೇಹದ ಅಂಗಾಂಗವನ್ನು ಮಂಗಳೂರಿನ ವಿಧಿವಿಜ್ಞಾನ ಪ್ರಯೋಗಾಲಯಕ್ಕೆ ಕಳುಹಿಸಿ ಪರೀಕ್ಷೆಗೆ ಒಳಪಡಿಸಲಾಗಿತ್ತು.

ಮರಣೋತ್ತರ ಹಾಗೂ ಎಫ್‌ಎಸ್‌ಎಲ್‌ ವರದಿಗಳೆರಡರಲ್ಲೂ ಶೀರೂರು ಶ್ರೀಗಳದ್ದು ಸಹಜ ಸಾವು ಎನ್ನುವ ಉಲ್ಲೇಖವಿದ್ದರೂ, ಮರಣೋತ್ತರ ವರದಿ ಕೊಟ್ಟಿರುವ ಮಣಿಪಾಲ ವೈದ್ಯರ ಅಂತಿಮ ವರದಿಯೇ ಪ್ರಕರಣಕ್ಕೆ ಬಹಳ ಮುಖ್ಯವಾಗಿತ್ತು. ಎರಡೂ ವರದಿಗಳನ್ನು ತಾಳೆ ಹಾಕಿದ ವೈದ್ಯರು ಕೊನೆಗೂ ಅಂತಿಮ ವರದಿ ಕೊಟ್ಟು ಪ್ರಕರಣಕ್ಕೆ ತೆರೆ ಎಳೆದಿದ್ದಾರೆ.

Facebook Comments

Sri Raghav

Admin