ಸಂಕ್ರಾಂತಿ ನೆಪದಲ್ಲಾದರೂ ಕಬ್ಬು ತಿನ್ನಲು ಮರೀಬೇಡಿ, ಏಕೆ ಗೊತ್ತೇ..?

ಈ ಸುದ್ದಿಯನ್ನು ಶೇರ್ ಮಾಡಿ

sankrnati ಸಂಕ್ರಾಂತಿ ಮುಖ್ಯವಾಗಿ ದಕ್ಷಿಣ ಭಾರತದಲ್ಲಿ ಆಚರಿಸಲಾಗುವ ಒಂದು ಹಬ್ಬ. ಪೈರು ತೆಗೆಯುವ ಸಂದರ್ಭದಲ್ಲಿ ಆಚರಿಸಲಾಗುವ ಸಂಕ್ರಾಂತಿ ಹಬ್ಬ ಸಮೃದ್ಧಿಯ ಸಂಕೇತ.

ಕರ್ನಾಟಕದಲ್ಲಿ ಸಂಕ್ರಾಂತಿಗೆ ಸಂಬಂಧಪಟ್ಟ ಆಚರಣೆಗಳಲ್ಲಿ ಮುಖ್ಯವಾಗಿ ಕಂಡುಬರುವುದು “ಎಳ್ಳು ಬೆಲ್ಲ”. ಮನೆಯಲ್ಲಿ ಎಳ್ಳ್ಳು ಬೆಲ್ಲವನ್ನು ತಯಾರಿಸಿ ಸುತ್ತಲಿನ ಮನೆಗಳಿಗೆ “ಎಳ್ಳುಹಂಚುವುದು” ಸಂಕ್ರಾಂತಿಯ ಸಂಪ್ರದಾಯ.

ಎಳ್ಳಿನ ಜೊತೆಗೆ ಸಕ್ಕರೆ ಅಚ್ಚುಗಳು, ಹಣ್ಣು ಮತ್ತು ಕಬ್ಬಿನ ತುಂಡುಗಳನ್ನು ಸಹ ಬೀರುವುದುಂಟು. ಪ್ಲೇಟ್ ಸಹ ಕಬ್ಬಿನ ತುಂಡು ವಿವಿಧ ಆಕಾರಗಳನ್ನು ಸಕ್ಕರೆ ಅಚ್ಚುಗಳನ್ನು ಹೊಂದಿರುತ್ತದೆ. ಸಣ್ಣ ಸಣ್ಣ ಚೂರುಗಳಾಗಿ ಕತ್ತರಿಸಿದ ಬೆಲ್ಲ, ಒಣ ಕೊಬ್ಬರಿ, ಹುರಿಗಡಲೆ, ಸಿಪ್ಪೆ ತೆಗೆದ ಕಡಲೇಕಾಯಿ ಬೀಜ ಹಾಗೂ ಹುರಿದ ಬಿಳಿ ಎಳ್ಳನ್ನು ಸೇರಿಸಿ “ಎಳ್ಳು ಬೆಲ್ಲ” ತಯಾರಿಸಲಾಗುತ್ತದೆ.

ಕಬ್ಬು ಈ ಭಾಗಗಳಲ್ಲಿ ಪ್ರಧಾನ ಏಕೆಂದರೆ ಹಬ್ಬದ ಋತುವಿನ ಸುಗ್ಗಿಯ ಸೂಚಿಸುತ್ತದೆ. ಸಂಕ್ರಾಂತಿ ಸಂಭ್ರಮದಲ್ಲಿ ಕಬ್ಬು ಸೇವನೆಯಿಂದ ಆರೋಗ್ಯದ ಮೇಲೆ ಅನೇಕ ಪರಿಣಾಮಗಳು ಬೀರುತ್ತವೆ. ಈ ಸಮಯದಲ್ಲಿ ಕಬ್ಬು ಕಾಬು ತಿನ್ನುವುದರಿಂದ ಚಳಿಗಾಲದ ಅನೇಕ ತೊಂದರೆಗಳನ್ನು ದೂರವಿಡಬಹುದು ಎನ್ನಲಾಗುತ್ತೆ. ಹಾಗಾದರೆ ಕಬ್ಬು ತಿನ್ನುವುದರಿಂದ ಆಗುವುದರಿಂದ ಲಾಭಗಳೇನು ಎಂಬುದರ ಬಗ್ಗೆ ತಿಳಿಯೋಣ.

ಆರೋಗ್ಯಕರ. ಕಬ್ಬಿನ ರಸವೂ ಕೂಡ ಉತ್ತಮ ಆರೋಗ್ಯಕರ ಪೇಯವಾಗಿದೆ. ಕಬ್ಬಿನಲ್ಲಿ ಕಾರ್ಬೋಹೈಡ್ರೇಟ್ಸ್‌, ಕ್ಯಾಲ್ಸಿಯಂ, ಪೊಟಾಶಿಯಂ ಹಾಗೂ ಸೋಡಿಯಂ ಅಂಶಗಳು ಬಹಳಷ್ಟಿವೆ. ಕಬ್ಬಿನ ರಸದ ಸೇವನೆಯು ದೇಹಕ್ಕೆ ಅತ್ಯುತ್ತಮ ರೋಗ ನಿರೋಧಕ ಶಕ್ತಿಯಾಗಿ ಕಾರ್ಯ ನಿರ್ವಹಿಸುತ್ತದೆ. ಇದರಲ್ಲಿ ಖನಿಜಾಂಶ, ಮ್ಯಾಗ್ನೇಯಂ ಹಾಗೂ ಕ್ಯಾಲ್ಸಿಯಂ ಅಂಶವು ಹೇರಳವಾಗಿರುವುದರಿಂದ ಡಿ ಹೈಡ್ರೇಷನ್‌ನಂತಹ ಕೆಟ್ಟ ಪರಿಣಾಮವನ್ನೂ ಸರಿದೂಗಿಸುವ ಶಕ್ತಿಯಿದೆ.

1. ನ್ಯಾಚುರಲ್‌ಎನರ್ಜಿ ಡ್ರಿಂಕ್‌ :ಕಬ್ಬಿನ ರಸವು ಎನರ್ಜಿ ಡ್ರಿಂಕ್‌ಆಗಿದೆ. ಇದರಲ್ಲಿ ಈ ಮೊದಲೇ ಹೇಳಿದಂತೆ ಕಾರ್ಬೊಹೈಡ್ರೆಟ್ಸ್‌, ಪೊಟಾಷಿಯಂ ಮುಂತಾದ ಅಂಶಗಳು ಜಾಸ್ತಿಯಿರುವುದರಿಂದ ಬೇಸಿಗೆಯಲ್ಲಿ ಇದರ ಸೇವನೆಯಿಂದ ದೇಹಕ್ಕೆ ಶಕ್ತಿ ದೊರಕುವುದರೊಂದಿಗೆ ದೇಹದ ಶುಷ್ಕತೆಯನ್ನೂ ನಿವಾರಿಸುತ್ತದೆ.

2. ಖನಿಜಾಂಶ ಪೂರೈಕೆ:ಕಬ್ಬಿನರಸವು ಅತ್ಯಧಿಕ ಖನಿಜಾಂಶಗಳನ್ನು ಹೊಂದಿರುವುದರಿಂದ ದಂತಕ್ಷ ಯಕ್ಕೆ ಸಂಬಂಧಿಸಿದಂತಹ ಕಾಯಿಲೆಗಳನ್ನು ದೂರವಾಗಿಸುತ್ತದೆ. ಕಬ್ಬಿನ ಸಿಪ್ಪೆಯನ್ನು ಹಲ್ಲಿನಿಂದ ಕಚ್ಚಿ ಬೇರ್ಪಡಿಸುವುದರಿಂದ ದಂತವು ಗಟ್ಟಿಯಾಗುತ್ತದೆ. ಕಬ್ಬಿನ ರಸದಿಂದ ತಯಾರಿಸಿದಂತಹ ಬೆಲ್ಲದಿಂದಲೂ ಅನೇಕ ಉಪಯೋಗವಿದೆ. ಊಟವಾದ ನಂತರ ಒಂದು ಸಣ್ಣ ತುಂಡು ಕಬ್ಬನ್ನು ಸೇವಿಸುವುದರಿಂದ ಜೀರ್ಣಕ್ರಿಯೆ ಸರಾಗವಾಗಿ ಆಗುತ್ತದೆ.

3. ತೂಕ ನಿಯಂತ್ರಣ:ಕಬ್ಬಿನರಸವನ್ನು ಇತರೆ ಯಾವುದೇ ಮಿಶ್ರಣವಿಲ್ಲದೆ ನೇರವಾಗಿ ಸೇವಿಸುವುದು ಉತ್ತಮ. ಇದಕ್ಕೆ ನಿಂಬೆರಸ ಹಾಗೂ ಶುಂಠಿಯನ್ನು ಬೆರೆಸಿ ಸೇವಿಸಿದರೆ ಆರೋಗ್ಯಕರ ಪೇಯವಾಗುತ್ತದೆ. ಪ್ರತಿನಿತ್ಯ ಒಂದು ತುಂಡು ಬೆಲ್ಲದ ಸೇವನೆುಂದ ಮಹಿಳೆಯರಲ್ಲಿ ಉಂಟಾಗುವ ಋುತುಸ್ರಾವದಂತಹ ತೊಂದರೆಯನ್ನು ನಿವಾರಣೆ ಮಾಡಲು ಸಹಕಾರಿಯಾಗುತ್ತದೆ. ಬೆಲ್ಲದ ಸೇವನೆಯು ಅಧಿಕ ತೂಕವನ್ನು ನಿಯಂತ್ರಣದಲ್ಲಿಡಲು ಸಹಕಾರಿಯಾಗುತ್ತದೆ.

4. ಹೊಟ್ಟೆಉರಿ ಹಾಗೂ ಗ್ಯಾಸ್ಟ್ರಿಕ್‌ನಂತಹ ಸಮಸ್ಯೆಗಳಿಗೂ ಕೂಡ ಕಬ್ಬಿನ ರಸದ ಸೇವನೆ ರಾಮಬಾಣದಂತೆ ಕಾರ್ಯ ನಿರ್ವಹಿಸುತ್ತದೆ. ಕಬ್ಬಿನ ರಸವು ಮೂತ್ರವರ್ಧಕವಾಗಿದೆ. ಇದನ್ನು ಸೇವಿಸುವುದರಿಂದ ಮೂತ್ರಕೋಶದ ತೊಂದರೆಯು ನಿವಾರಣೆಯಾಗುತ್ತದೆ. ಜೊತೆಗೆ ಮೂತ್ರಪಿಂಡವು ಉತ್ತಮವಾಗಿ ಕಾರ್ಯ ನಿರ್ವಹಿಸುತ್ತದೆ.

5. ಕಬ್ಬಿನಿಂದ ಮಾಡಿದ ಬೆಲ್ಲದಲ್ಲಿ ಝಿಂಕ್‌ಮತ್ತು ಸೆಲೆನಿಯಮ್‌ಅಂಶವು ಅಧಿಕವಾಗಿರುವುದರಿಂದ ಬಾಲನೆರೆಯನ್ನು ತಪ್ಪಿಸುತ್ತದೆ. ಜೊತೆಗೆ ದೇಹದಲ್ಲಿನ ರೋಗ ನಿರೋಧಕ ಶಕ್ತಿಯನ್ನು ಇಮ್ಮಡಿಗೊಳಿಸುತ್ತದೆ. ಕಾಫಿಯ ತಯಾರಿಕೆಯಲ್ಲಿ ಸಕ್ಕರೆಯ ಬದಲಾಗಿ ಬೆಲ್ಲವನ್ನು ಬಳಸುವುದರಿಂದ ಡಯಾಬಿಟಿಸನ್ನು ನಿಯಂತ್ರಿಸಬಹುದು. ಹೀಗೆ ಕಬ್ಬನ್ನು ಉಪಯುಕ್ತವಾಗಿ ಬಳಸುವುದರಿಂದ ದೇಹದ ಮೇಲೆ ಉತ್ತಮ ಪರಿಣಾಮ ಬೀರುತ್ತದೆ.

Facebook Comments