ಮಹಾರಾಷ್ಟ್ರದ ಗೊಂಡಿಯಾದ ಹೋಟೆಲ್‍ವೊಂದರಲ್ಲಿ ಭೀಕರ ಬೆಂಕಿ ದುರಂತ : ಮಂದಿ ಸಜೀವ ದಹನ

ಮುಂಬೈ,ಡಿ.21-ಹೋಟೆಲ್‍ವೊಂದರಲ್ಲಿ ಭೀಕರ ಬೆಂಕಿ ದುರಂತದಿಂದ 7ಕ್ಕೂ ಹೆಚ್ಚು ಮಂದಿ ಮೃತಪಟ್ಟು ಅನೇಕರು ಗಾಯಗೊಂಡಿರುವ ಘಟನೆ ಇಂದು ಬೆಳಗ್ಗೆ ಮಹಾರಾಷ್ಟ್ರದ ಗೊಂಡಿಯಾದಲ್ಲಿ ಸಂಭವಿಸಿದೆ.   ಈ ಹೋಟೆಲ್‍ನಲ್ಲಿ ಕಾಣಿಸಿಕೊಂಡ ಬೆಂಕಿಯಿಂದ ಏಳು ಮಂದಿ ಮೃತಪಟ್ಟಿರುವುದನ್ನು ಗಡ್‍ಚಿರೋಲಿ ವಲಯದ ಪೊಲೀಸ್ ಮಹಾನಿರ್ದೇಶಕ ಖಚಿತಪಡಿಸಿದ್ದಾರೆ.   ಬೆಂಕಿ ಸಂಭವಿಸಿದ ಕೂಡಲೇ ಸ್ಥಳಕ್ಕೆ 10ಕ್ಕೂ ಹೆಚ್ಚು ವಾಹನಗಳೊಂದಿಗೆ ಧಾವಿಸಿದ ಸಿಬ್ಬಂದಿ ಬಹು ಪ್ರಯಾಸದಿಂದ ಅಗ್ನಿಯ ಕೆನ್ನಾಲಿಗೆಯನ್ನು ನಂದಿಸಿದರು.  ಗಾಯಗೊಂಡಿರುವವರಲ್ಲಿ ಕೆಲವರ ಸ್ಥಿತಿ ಚಿಂತಾಜನಕವಾಗಿದ್ದು , ಸಾವಿನ ಸಂಖ್ಯೆ ಮತ್ತಷ್ಟು ಹೆಚ್ಚಾಗುವ ಆತಂಕವಿದೆ.

Eesanje News 24/7 ನ್ಯೂಸ್ ಆ್ಯಪ್ –  Click Here to Download