ಸಿರಿಯಾ ಸಂಘರ್ಷಕ್ಕೆ ಕಳೆದ 20 ದಿನಗಳಲ್ಲಿ 1,100 ನಾಗರಿಕರು ಬಲಿ..!

ಈ ಸುದ್ದಿಯನ್ನು ಶೇರ್ ಮಾಡಿ

Syria--02

ಡೌಮಾ, ಮಾ.11-ಬಂಡುಕೋರರ ನಿಯಂತ್ರಣದಲ್ಲಿರುವ ಸಿರಿಯಾದ ಪೂರ್ವ ಘೋಟಾದಲ್ಲಿ ಕಳೆದ 20 ದಿನಗಳಿಂದ ನಡೆಯುತ್ತಿರುವ ಸಂಘರ್ಷದಲ್ಲಿ ಹತರಾದ ನಾಗರಿಕರ ಸಂಖ್ಯೆ 1,100ಕ್ಕೇರಿದೆ. ಇದೇ ವೇಳೆ ಉಗ್ರರನ್ನು ಸದೆಬಡಿದು ನಗರವನ್ನು ವಿಮೋಚನೆಗೊಳಿಸುವ ಕಾರ್ಯಾಚರಣೆಯನ್ನು ಸಿರಿಯಾ ಸೇನೆ ಮತ್ತಷ್ಟು ತೀವ್ರಗೊಳಿಸಿದೆ.

ಪೂರ್ವ ಘೋಟಾವನ್ನು ಇಬ್ಭಾಗಿಸುವ ಕ್ರಮವಾಗಿ ಸೇನೆಯು ಆ ನಗರದ ಸಂಪರ್ಕವನ್ನು ಕಡಿತಗೊಳಿಸಿದ್ದು, ನಿರ್ಣಾಯಕ ಕಾರ್ಯಾಚರಣೆಗೆ ಸಜ್ಜಾಗಿದೆ. ಆದರೆ, ಈ ಸಂಘರ್ಷದಲ್ಲಿ ಮುಗ್ಧ ನಾಗರಿಕರು ಬಲಿಯಾಗುತ್ತಿದ್ದು, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಆತಂಕ ವ್ಯಕ್ತವಾಗಿದೆ. ಫೆ.18ರಿಂದ ಪೂರ್ವ ಘೌಟದಲ್ಲಿ ಸರ್ಕಾರಿ ಮಿತ್ರ ಪಡೆಗಳು ಹಾಗೂ ಅದಕ್ಕೆ ಬೆಂಬಲ ನೀಡಿರುವ ಮತ್ತೊಂದು ಬಂಡುಕೋರರು ಉಗ್ರರಿಂದ ನಗರವನ್ನು ರಕ್ಷಿಸುವ ಕಾರ್ಯಾಚರಣೆ ನಡೆಸುತ್ತಿದ್ದಾರೆ. ಈ ಸಂಘರ್ಷ ಮತ್ತು ಹಿಂಸಾಚಾರದಲ್ಲಿ ಈವರೆಗೆ 1,100ಕ್ಕೂ ಹೆಚ್ಚು ನಾಗರಿಕರು ಮೃತಪಟ್ಟಿದ್ದಾರೆ. ಹಿಂಸಾಚಾರ ನಿಲ್ಲಿಸುವಂತೆ ಜಾಗತಿಕ ಮಟ್ಟದಲ್ಲಿ ಮನವಿಗಳೂ ಕೇಳಿ ಬಂದಿದ್ದರೂ ಕಾರ್ಯಾಚರಣೆ ಮುಂದುವರಿದಿದೆ. ನಗರದ ಅನೇಕ ಪ್ರದೇಶಗಳನ್ನು ಸರ್ಕಾರಿ ಸೇನೆ ವಶಕ್ಕೆ ತೆಗೆದುಕೊಂಡಿದ್ದು, ಇನ್ನುಳಿದ ಸ್ಥಳಗಳಲ್ಲಿ ಉಗ್ರರೊಂದಿಗೆ ಘರ್ಷಣೆ ತೀವ್ರಗೊಂಡಿದೆ.

Facebook Comments

Sri Raghav

Admin