24 ಗಂಟೆಯಲ್ಲಿ 18,987 ಮಂದಿಗೆ ಕೊರೋನಾ, 246 ಸಾವು..!

ಈ ಸುದ್ದಿಯನ್ನು ಶೇರ್ ಮಾಡಿ

ನವದೆಹಲಿ, ಅ.14- ಕಳೆದ ಒಂದು ವಾರದಿಂದ ಕೊರೊನಾ ಸೋಂಕಿನ ಪ್ರಮಾಣ ಶೇ.1.44ರ ಅನುಪಾತದಲ್ಲೇ ನಿಯಂತ್ರಣದಲ್ಲಿದ್ದು, ನಿನ್ನೆ 18,987 ಮಂದಿಗೆ ಸೋಂಕು ತಗಲಿದೆ. 246 ಮಂದಿ ಸಾವನ್ನಪ್ಪಿದ್ದಾರೆ.

ದೇಶದಲ್ಲಿ ಒಟ್ಟು ಸೋಂಕಿನ ಸಂಖ್ಯೆ 3,40,20,730ರಷ್ಟಾಗಿದೆ. ಕಳೆದ 20 ದಿನಗಳಿಂದ ಸೋಂಕು 30 ಸಾವಿರದ ಒಳಗೆ ನಿಯಂತ್ರಣದಲ್ಲಿದೆ. ಹಿಂದಿನ ದಿನಕ್ಕೆ ಹೋಲಿಸಿದರೆ 1067 ಮಂದಿಗೆ ಕಡಿಮೆ ಸೋಂಕು ತಗುಲಿದೆ. ದಿನದ ಸೋಂಕಿನ ಪ್ರಮಾಣ ಶೇ.1.46ರಷ್ಟು ಮಾತ್ರ. ಇದಕ್ಕೆ ಪ್ರತಿಯಾಗಿ ಚೇತರಿಕೆ ಪ್ರಮಾಣದಲ್ಲಿ ಭಾರೀ ಏರಿಕೆಯಾಗಿದೆ.

3,33,62,709 ಮಂದಿ ಗುಣಮುಖರಾಗಿದ್ದಾರೆ. ದೇಶದಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ 2,06,586 ಮಾತ್ರವಿದೆ, ಸಕ್ರಿಯ ಪ್ರಕರಣಗಳ ಪ್ರಮಾಣ ಶೇ.0.61ರಷ್ಟು. ಒಟ್ಟು ಚೇತರಿಕೆಯ ಪ್ರಮಾಣ 98.07ರಷ್ಟು ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಇಂದು ಬಿಡುಗಡೆ ಮಾಡಿರುವ ಅಂಕಿ ಅಂಶಗಳಲ್ಲಿ ತಿಳಿಸಿದೆ. ಕೋವಿಡ್‍ನಿಂದ ಮೃತಪಟ್ಟವರ ಸಂಖ್ಯೆ 4,51,435 ಎಂದು ತಿಳಿಸಲಾಗಿದೆ.

Facebook Comments