ಭಾರತದೊಳಗೆ ನುಸುಳಲು ಯತ್ನಿಸಿದ ಪಾಕ್ ನುಸುಳುಕೋರ ನ ಹತ್ಯೆ

ಜಮ್ಮು, ಜು. 15- ಕಣಿವೆ ರಾಜ್ಯ ಕಾಶ್ಮೀರದ ಅಂತಾರಾಷ್ಟ್ರೀಯ ಗಡಿ ಮೂಲಕ ಭಾರತದೊಳಗೆ ನುಸುಳಲು ಯತ್ನಿಸಿದ ಪಾಕಿಸ್ತಾನದ ನುಸುಳು ಕೋರರೊಬ್ಬರನ್ನು ಭಾರತೀಯ ಗಡಿ ಭದ್ರತಾ ಪಡೆ(ಬಿಎಸ್‍ಎಫ್) ಯೋಧರು ಗುಂಡಿಟ್ಟು ಹತ್ಯೆ ಮಾಡಿದ್ದಾರೆ.

ಜಮ್ಮು ಮತ್ತು ಕಾಶ್ಮೀರದ ಸಾಂಬಾ ಜಿಲ್ಲೆಯ ಅಂತಾರಾಷ್ಟ್ರೀಯ ಗಡಿ ಪ್ರದೇಶ ಎಸ್.ಎಮ್.ಪುರ ಫೋಸ್ಟ್ ಬಳಿ 3ರ ನಸುಕಿನಲ್ಲಿ ಈ ಘಟನೆ ನಡೆದಿದೆ. ಸುಮಾರು 60ವರ್ಷದ ನುಸುಳುಕೋರ ಐಬಿ ಮೂಲಕ ಪಾಕ್ ಕಡೆಯಿಂದ ಭಾರತಕ್ಕೆ ನುಸುಳಲು ಯತ್ನಿಸಿದ್ದ.

62ನೇ ಬೆಟಾಲಿಯನ್‍ನ ಬಿಎಸ್‍ಎಫ್ ಯೋಧರು ಪುನಾವರ್ತಿತ ಎಚ್ಚರಿಕೆ ನೀಡಿದ್ದರೂ ಅದನ್ನು ಲೆಕ್ಕಿಸದೆ ಗಡಿಯೊಳಗೆ ನುಸುಳಲು ಯತ್ನಿಸಿದ. ನಂತರ ಆತನನ್ನು ಯೋಧರು ಗುಂಡು ಹೊಡೆದುರುಳಿಸಿದರು.

ನುಸುಳುಕೋರನ ಶವವನ್ನು ಎಸ್.ಎಮ್.ಪುರ ಫೋಸ್ಟ್ ನಲ್ಲಿ ಇಡಲಾಗಿದ್ದು, ಆತನ ಗುರುತು ಪತ್ತೆ ಕಾರ್ಯ ನಡೆದಿದೆ.